უფლებადამცველთა სამხრეთკავკასიური ქსელი

5 ივნისს, აზერბაიჯანის დედაქალაქში პოლიციამ დაშალა საპროტესტო აქცია, რომელიც ოპოზიციური ბლოკის, „აზადლიგის“ (თავისუფლება), მიერ იყო ორგანიზებული. მონაწილეები შეკრების თავისუფლებას და სამართლიან საპარლამენტო არჩევნებს ითხოვდნენ. აქციის ყველა მონაწილე პოლიციის შენობაში იქნა გადაყვანილი.

„დაკავებისას გამოყენებული იყო ძალა, არიან დაზარალებულები“ - განუცხადა აზერბაიჯანის პოპულარული ფრონტის მეჯლისის თავმჯდომარემ, ჰასან ქერიმოვმა, „კავკასიური კვანძის“ კორესპოდენტს. მისი თქმით, ჯამში დაკავებულ იქნა 30 ადამიანი.

საბალის რაიონის პოლიციის განყოფილებაში დაადასტურეს, რომ „რამდენიმე პიროვნება დაკავებულ იქნა არასანქცირებული აქციის ორგანიზებისათვის“; თუმცა უარყვეს დაკავებულთათვის ფიზიკური დაზიანების მიყენების ფაქტი.