უფლებადამცველთა სამხრეთკავკასიური ქსელი


ძებნა საიტზე
წინ
თბილისის ადამიანის უფლებათა სახლის საპროტესტო აქცია აზერბაიჯანში დაპატიმრებული უფლებადამცველების მხარდასაჭერად
[03.11.2014]
 Humanrights.ge 

თბილისის ადამიანის უფლებათა სახლმა და მისმა წევრმა ორგანიზაციებმა 22 აგვისტოს, ევროსაბჭოს ოფისთან,  აზერბაიჯანში დაპატიმრებული უფლებადამცველების მხარდასაჭერი აქცია გამართეს. აქციას, გარდა სახლის წევრი ორგანიზაციებისა, „საზოგადოებრივი დამცველისა“ და „გაერთიანებული პროფკავშირების“ წარმომადგენლებიც შეუერთდნენ. 

აქციის მონაწილეების განცხადებით, აზერბაიჯანში, ბოლო რამდენიმე კვირის განმავლობაში, უფლებადამცველების მიმართ უპრეცედენტო სადამსჯელო ღონისძიებები განხორციელდა. თითქმის ერთნაირი ბრალდებებით (გადასახადების თავიდან არიდება, უკანონო ბიზნესი, ძალაუფლების ბოროტად გამოყენება და სამშობლოს ღალატი) დააკავეს 4 უფლებადამცველი, რომლებიც გამოირჩეოდნენ აზერბაიჯანის ხელისუფლების  კრიტიკით. 

თბილისის ადამიანის უფლებათა სახლი და მისი წევრი ორგანიზაციები შეშფოთებას გამოთქვამენ ცნობილი უფლებადამცველების - რასულ ჯაფაროვის, ინტიგამ ალიევის, ლეილა იუნუსისა და არიფ იუნუსოვის დევნისა და დაპატიმრების გამო. 

„2014 წლის მაისიდან აზერბაიჯანი ევროსაბჭოს მინისტრთა კომიტეტს თავმჯდომარეობს. მიუხედავად ამისა, აზერბაიჯანის მთავრობა არ ერიდება სამოქალაქო საზოგადოების წარმომადგენლების მიმართ რეპრესიებს და არღვევს ევროკონვენციითა თუ სხვა საერთაშორისო კანონმდებლობით აღებულ ვალდებულებებს“ - აღნიშნულია ადამიანის უფლებათა სახლის მიერ გავრცელებულ სპეციალურ მიმართვაში. 

აქციის მონაწილეებმა ევროპის საბჭოს წარმომადგენლობას სპეციალური მიმართვაც შეუგზავნეს, რომელშიც ევროსაბჭოსა და მინისტრთა კომიტეტს, აზერბაიჯანში მიმდინარე მოვლენებთან დაკავშირებით, რეაგირებისკენ მოუწოდეს. 



კალენდარი

არქივი

აგვისტო 2022
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31     

გამოკითხვა

Copyright © 2009 - 2022 | All Rights Reserved