South Caucasus Network of Human Rights Defenders
„უფლებადამცველთა სამხრეთკავკასიური ქსელი“ გმობს მშვიდობიანი დემონსტრანტების პოლიტიკურ დევნას საქართველოში
[23.06.2009]
2009 წლის 23 ივნისი
„უფლებადამცველთა სამხრეთკავკასიური ქსელი“ უკიდურესად შეშფოთებულია ქართული ოპოზიციური პარტიების აქტივისტების დაპატიმრების და მათ წინააღმდეგ ძალადობრივი მეთოდების გამოყენების გამო. ინციდენტები ბოლო ორი თვის მანძილზე, 2009 წლის 9 აპრილს დაწყებული დემონსტრაციების შემდეგ ხდება. ინციდენტების რაოდენობამ ბოლო ხანს იმატა.
ქსელის წევრები განსაკუთრებით შეშფოთებული ვართ ქვემოთ მოყვანილი ფაქტების გამო, რომლებიც ადგილობრივმა არასამთავრობო ორგანზიაციებმა დააფიქსირეს:
- დემონსტრანტების ფიზიკური შეურაცხყოფა - დემონსტრაციის მონაწილეები უცნობი ადამიანების სამიზნე ხდებიან. თავდამსხმელებს ხშირ შემთხვევაში ნიღბები უკეთიათ. დემონსტრანტებს სცემენ და ემუქრებიან, რომ თუ დემონსტრაციებში მონაწილეობას გააგრძელებენ, უარეს მდგომარეობაში აღმოჩნდებიან.
- აქტივისტების დაპატიმრება - ბოლო ორი თვის განმავლობაში ოპოზიციური პოლიტიკური პარტიების რამდენიმე ათეული აქტივისტი დააპატიმრეს. პროცედურული დარღვევებისა და დაპატირებების კონტექსტის გათვალისწინებით შეიძლება ითქვას, რომ ამ დაპატიმრებებს პოლიტიკურ მოტივი უდევს საფუძვლად.
- დემონსტრანტების პროვოცირებისკენ მიმართული მოქმედებები - რამდენიმე შემთხვევაში სამართალდამცველებმა დემონსტრაციის მონაწილეებს შორის დაძაბულობის მიზანმიმართული პროვოცირება მოახდინეს, რასაც დემონსტრანტების ადმინისტრაციული წესით დაკავება მოჰყვა;
ზემოთხსენებული მოქმედებები პოლიტიკური აქტივისტების უფლებების უხეში დარღვევაა. უფრო მეტიც, პოლიტიკური მოტივით ადამიანების დევნა აფერხებს ქვეყნის განვითარების პროცესს და მთავრობისა და საზოგადოების პოლარიზებას იწვევს.
„უფლებადამცველთა სამხრეთკავკასიური ქსელი“ მოუწოდებს საქართველოს ხელისუფლების წარმომადგენლებს:
- გამოიძიონ დემონსტრანტებზე თავდასხმის ყველა ფაქტი და დასაჯონ დამნაშავეები;
- გაათავისუფლონ ის აქტივისტები, რომლებიც პოლიტიკური აქტიურობის გამო არიან დაკავებული და ბოლო მოუღონ პოლიტიკურ დაპატიმრებებს ქვეყანაში;
- უზრუველყონ სამართადამცველებსა და დემონსტრანტებს შორის შეტაკებების მინიმუმამდე დაყვანა და დემონსტრანტების მხრიდან დაუმორჩილებლობის შემთხვევაში ადმინისტრაციული სასჯელის მხოლოდ უკიდურეს შემთხვევაში გამოყენება;
- პატივი სცენ პოლიტიკური აქტივისტების უფლებებს, რომლებიც გარანტირებულია საქართველოს კონსტიტუციითა და საქართველოს მიერ რატიფიცირებული საერთაშორისო ხელშეკრულებებით.
Təqvim
Arxiv
|
||||||||||||||||||||||||||||||||||||||||||
|